NYOMI LA UKAWA NDANI YA UWANJA WA TANGAMANO TANGA

 Washabiki wa vyama vinavyounda Umoja wa Katiba ya Wananchi (Ukawa) wakiwa katika mkutano wa hadhara wa Mgombea mwenza wa Urais  wa Chama Cha Demokrasia na Maendeleo (Chadema) Juma Duni Haji, katika uwanja wa Tangamano Tanga leo.

 Mgombea Mwenza wa Vyama Vinavyounda Umoja wa Katiba ya Wananchi (Ukawa) Juma Duni Haji (Chadema), akiwahutubia maelfu ya wananchi wa Tanga leo katika uwanja wa Tangamano.

Tangakumekuchablog
Tanga, MGOMBEA Mwenza kupitia Chama Cha Demokrasia (Chadema), Juma Duni Hajji, amesema mwisho wa utawala wa Chama Cha Mapinduzi umefikia kikomo hivyo kuwataka wananchi kujitokeza kwa wingi siku ya upigaji kura.
Akizungumza na maelfu ya wakazi wa jiji la Tanga leo jioni hii, Duni alisema utawala wa CCM unafaa kuondoshwa kwa kupitia sanduku la kupigia kura hivyo ni wajibu wa kila mtu kukitunza kitambulisho chake na kuweza kuitumia haki yake ya msingi ya kupiga kura.
Alisema Chama Cha CCM kimeanza kuingiwa na woga na sasa wameanzisha Propaganda za kuwalaghai wananchi kwa viongozi wao wa Ukawa.
Alisema jambo ambalo liko mbeleni ni kuhakikisha kila mtu aliejiandikisha anapiga kura na kusubiri matokeo hapo hapo kwa kufuata sheria ya kurejea nyuma kwa mita mia.