UBUNIFU WAMUINGIZA MATATANI

Pale ambapo ubunifu unasababisha ajikute Mikononi Polisi, saa ikafananishwa na Bomu…

Ahmed Mohamed ni kijana wa miaka 14, alijikuta kwenye wakati mgumu baada ya kufanya ubunifu ambao yeye alidhani itakuwa ni kitu kizuri kuwafurahisha Walimu wake, lakini baada ya kuwaonesha tu ubunifu wake, ikapigwa simu Kituo cha Polisi na wakamkamata !!

Ahmed ni mwanafunzi wa MacArthur High School iliyoko Irving, Texas Marekani… ni kijana ambae ana kipaji cha kufanya ubunifu wa kutengeneza vitu mbalimbali nyumbani kwao, alienda Shule na kisanduku kidogo ambacho alikifanyia ubunifu na kubadilisha kisanduku hicho kuwa saa.

Walimu walipomkuta na kifaa hicho walitoa taarifa Polisi, wakamkatamata ili akatolee maelezo vizuri kuhusu hiyo saa yake… kilichowashtua Walimu ni nyaya nyaya nyingi kwenye huo ubunifu wa saa, Polisi wanasema huenda huyo mtoto akafunguliwa mashtaka ya kutengeneza bomu feki kwa lengo la kutisha watu !!

Ahmed amesema Polisi wamemhoji kwa nini ametengeneza Bomu? lakini amewasititizia mara zote kwamba kile kifaa sio Bomu ila ni saa ambayo aliibuni mwenyewe.

Polisi walimwachia huku uchunguzi ukiendelea lakini baba yake anaonekana kukasilishwa sana huku akihisi kwamba kuna ishu ya ubaguzi wa Kidini kwenye suala la mtoto wake kukamatwa kwa tuhuma hizo.

Kwa habari matukio na michezo ni hapahapa tangakumekuchablog