MJUMBE WA VIJANA CCM TAIFA AWAPA SOMO VIJANA, TANGA

Tangakumekuchablog

Tanga, MJUMBE wa Baraza kuu la Vijana Taifa,, Deo Ndejemba, amewataka vijana kujitokeza kwa wingi siku ya upigaji kura kuhakikisha chama hicho kinapata ushindi wa kimbunga.

Akizungumza katika kikao cha Umoja wa Vijana wa CCM kutoka makundi mbalimbali ya kiwemo ya Vyuo Vikuu na Shule za Sekondari leo, Ndenjemba alisema ushindi wa CCM uko mikononi mwa vijana.

Aliwataka kufanya mikutano mfululizo hadi muda wa mwisho wa kampeni ili kila kijana mmoja anavuna vijana watano ambao siku ya kupiga kujihakikishia ushindi wa kimbunga.

“Kwa hamasa ilivyo kila niendako ni wazi kabisa kuwa mwaka huu chama cha mapinduzi kitapata ushindi wa kimbunga----hapa Tanga dalili zinaonyesha Nundu ameshinda” alisema Ndejemba

Aliwataka vijana hao kipindi hiki cha kampeni za uchaguzi Mkuu  kuwa watulivu na kuvumiliana katika mambo mbalimbali ya kisiasa ili Taifa limalize uchaguzi kwa amani na utulivu kama uliopo.

Kwa upande wake Mgombea Ubunge jimbo la Tanga mjini, Omari Nundu, alisema akichaguliwa kuwa Mbunge atahakikisha hakuna kijana anaelalamika kukosa kazi na kudai kuwa ziko nyingi ila nyenzo hawana.

Alisema vijana wengi wamekuwa wakilalamika kukosa kazi jambo ambalo Mbunge huyo amepinga na kusema kuwa kazi ziko nyingi ila tatizo hawana vyenzo za kufanyia kazi.

“Kazi ni nyingi na naweza kusema kuwa nyenzo ndio hakuna laini niwaombe nikichaguliwa tena vipaumbele vyangu ni vijana kufanya kazi----sitokuwa tayari kuona kijana analalamika hana kazi” alisema Nundu

Alisema ili kuweza kuyafanya hayo amewataka wananchi wa jimbo la Tanga mjini kumchagua yeye kwa madai kuwa yuko na uwezo wa kuyafanya  kwa kushirikiana na Serikali pamoja na wananchi.

                                                         Mwisho

Mjumbe wa Baraza kuu la Vijana Taifa (CCM), Deo Ndejemba, akisalimianma na viongozi wa Chama Cha Mapinduzi Wilaya ya Tanga mara baada ya kuwasiliki kushiriki katika kikao cha Jumuiya ya Vijana kujadili mikakati ya ushindi kuelekea uchaguzi mkuu October 25.

  Wanachama na washabiki wa CCM Tanga, wakifurahia jambo wakati wa kikao cha Jumuiya ya Vijana CCM Wilaya ya Tanga wakati wa kikao cha mikakati ya ushindi kuelekea Uchaguzi mkuu October 25.