DC, MTASSIWA ACHARUKA WANAOHUJUMU MIRADI YA MAENDELEO

Tangakumekuchablog

Korogwe, MKUU wa Wilaya ya Korogwe , Hafsa Mtassiwa, amesema atahakikisha miradi yote iliyozinduliwa na mbio za Mwenge wa Uhuru Wilayani humo ataisimamia na kutekelezwa na kuwataka wananchi kutoa ushirikiano.

Akizungumza wakati wa mbio za Mwenge Wilayani humo jana kijiji cha Kerenge kata ya Kwashemshi, Mtassiwa alisema  yoyote atakaehujumu miradi ya maendeleo atawajibishwa  na kuchukuliwa hatua za kisheria.

Alisema jumla ya miradi ya maendeleo yenye thamani zaidi ya shilingi bilioni 3kwa halmashauri ya Wilaya ya Korogwe Vijijini  imezinduliwa na kuwataka wananchi kutoa ushirikiano ili kuweza kupata maendeleo katika maeneo yao.

“Nasema akutoka moyoni yoyote ambaye atahujumu au kukwamisha mradi wowote uwe wa uzinduzi wa mbio za mwenge au wa aina tofauti ya maendeleo nitamchukulia hatua za kisheria” alisema na kuongeza

“Serikali imekuwa ikifanya jitihada za kuwaletea maendeleo wananchi wake lakini utaona kunatokea mtu au kikundi cha watu kwa makusudi anahujumu----hili binafsi sitakubaliana nalo” alisema

Akitoa ujumbe wa mwenge wa Uhuru, kiongozi wa mbio hizo kitaifa, Juma Khatib Chumu, amewataka wananchi kuchagua viongozi wenye uwezo wa kuongoza nchi na kuacha kuchagua kwa ushabiki wa kisiasa.

Alisema kipindi hiki cha kuwapata wagombea wa nafasi za Urais kutazuka watu na kutoa ahadi nyingi ili kuweza kupata wafuasi na hivyo kuwataka kuwa makini na watu hao.

“Ndugu zangu tunakaribia uchaguzi mkuu wa kumpata Rais wabunge na madiwani---watakuja watu na kutoa ahadi kemekem---zipimeni kisha mupambanue na kuchukua uamuzi” alisema Chumu

Amewataka kuwa makini na wagombea na kuhakikisha wanachagua kiongozi bora na mwenye uwezo wa kuongoza na mwenye uchu wa kuwaleta maendeleo wananchi wake.

                                                         Mwisho