WATU ZAIDI YA 12 WAFA MAJI NA 27 WAOKOLEWA TANGA WAKATI WAKISAFIRI KUELEKEA PEMBA

Tangakumekuchablog

Tanga, WATU zaidi ya 12 wanahofiwa kufa maji na wengine zaidi ya 30 hawajulikani walipo katika ajali ya jahazi lililozama lililokuwa likifanya safari zake Tanga, Pemba  leo asubuhi.

Taarifa ambazo jeshi la polisi ilithibitisha kupitia kwa Kamanda wa Polisi Mkoani Tanga, Benedickt Wakulyamba, zinasema tukio hilo limetokea alfajiri ya leo katika mwambao wa bahari ya Hindi nje kidogo ya Bandari ya Sahare.

Vikosi vywa uokozi vikiongozwa na Polisi, Bandari na Sumatra viliokoa maiti 12 na majeruhi 27 na hadi sasa uokozi unaendelea.