YANGA, MGAMBO ZAPETA LIGI KUU VODACOM

Matokeo ya mechi za ligi kuu Bara leo…Simba na Yanga zimo!!

Ligi kuu Tanzania bara imeendelea jioni ya leo katika viwanja viwili tofauti ambapo kwenye uwanja wa Taifa, Yanga ilikua mwenyeji wa Kagera Sugar huku kwenye uwanja wa Mkwakwani Tanga wenyeji Mgambo JKT walikuwa wakiikaribisha Simba.

Kwenye uwanja wa Taifa Yanga wamerejea katika usukani wa ligi hiyo na kuishusha Azam kileleni kwa kufikisha pointi 34 nyuma ya Azam wenye pointi 33 baada ya kuibuka na ushindi wa mabao 2-1 dhidi ya Kagera Sugar kwenye uwanja wa Taifa.

Wakicheza kwa kujiamini Yanga wanaanza kwa kufanya mashambulizi makali ambapo dk ya 6 Simon Msuva anaangushwa ndani ya eneo la hatari na mwamuzi anasema ipigwe penalti dk8 anaifungia Yanga goli la kwanza.

Dk 14, Tambwe anaifungia Yanga bao safi la pili baada ya Ngassa kuwazidi mbio mabeki wa Kagera na kupiga krosi safi.

Dk 39, Salum Kanoni anafunga kwa uzuri kabisa kwa njia ya penalt akimchambua Barthez baada ya Atuplele Green kuangushwa eneo la hatari.

Kwenye uwanja wa Mkwakwani Tanga, Simba wanaonja machungu baada ya kuruhusu kuchapwa mabao 2-0 dhidi ya Maafande wa Mgambo JKT.

 Simba ambao walianza kwa kuwakamia zaidi wapinzani wao bahati haikuwa upande wao ambapo dk ya 45 Ally Nassor alifungia Mgambo bao la kwanza baada ya kupiga shuti kali huku kipa wa Simband Ivo Mapunda akiwa amezubaa

Dk 66 Anaingia kipa Peter Manyika kuchukua nafasi ya Said Ndemla.

Dk 63, Ivo Mapunda alilambwa kadi nyekundu na Mgambo wanapata penalti baada ya yeye kumuangusha mshambuliaji wa Mgambo.

Dk 67 Fullyzully Maganga anafunga penalti na kuiandikia Mgambo bao la pili.

Ni halali yako kupata kila stori inayonifikia mtu , niko tayari kukutumia wakati wowote kupitia www.tangakumekucha.blogspot.com