KINGWENDU NAE ATAMANI KUPANDA PIPA

Yamoto Band show nyingine nje? Kingwendu anatamani kwenda

Jana alisikika Nikki wa Pili akizungumzia campaign yake kuhimiza mwamko wa watu kwenye uchaguzi Mkuu wa mwaka huu, kundi la Watanzania wanaoishi Marekani wameamua kuungana na kutengeneza wimbo ambao unahamasisha Watanzania  kufanya uchaguzi wa amani mwaka huu na kuchagua viongozi wanaowataka.

Kundi hilo linaitwa DMV All Star wamesema wana mpango wa kusafiri na kuja Tz kwa ajili ya kupiga kura pamoja na kuhimiza watu kushiriki kuchagua viongozi.

Yamoto Band wameanza kuingia kwenye Headlines za wasanii Bongo wanaopata mashavu ya show nje ya Tz, walikuwa Uingereza wakapiga show, siku chache zijazo watapanda pipa kuelekea Muscat kwa ajili show pia wakiwa na Ommy Dimpoz, Mkubwa Fella amesema baada ya Muscat kuna show nyingine kubwa zaidi ambayo itafuatia lakini itafahamika show hiyo wanaenda kupiga wapi baada ya masuala ya viza kukaa sawa.

Kingwendu ni mmoja ya wachekeshaji maarufu Bongo, leo kasikika pia akizungumzia nchi ambazo ana hamu sana ya kuzitembelea kama akijaaliwa kupata nafasi hiyo.

Baadhi ya nchi ambazo anatamani sana kuzitembelea ni pamoja na Congo maeneo ya Kinshasa, Maputo Msumbiji, Marekani na Uingereza.

Ziko story nyingi sana kwamba Ulaya hamna mchanga, hamna miti, jamaa anatamani aende ili nae aone hivyo vitu kwa macho yake.

Kuna taarifa ya majonzi toka Uganda, inahusu msiba wa msanii wa Reggae AK47 ambaye ni mdogo wa Jose Chameleone ambaye amefariki jana usiku baada ya kuanguka bafuni.

Ripota kutoka Uganda amesema familia bado haijapanga kuhusu mazishi kwa kuwa wanamsubiri kaka wa Marehemu awasili kutoka Marekani ili ashiriki mazishi ya mdogo wake huyo.

Baba wa AK47 anahisi kifo cha mtoto wake sio cha mazingira ya kawaida kwamba ameanguka tu bafuni, kuna kitu tofauti ambacho yeye anakihisi japo hajazungumzia kuhusu hilo kwa sasa.

Nyumbani kwa baba wa msanii huyo kumefurika watu wengi ambapo Polisi wamelazimika kuwepo katika mazingira ya nyumba hiyo ili kuhakikisha usalama unakuwepo.

Hautopitwa na stori yoyote inayonifikia , niko tayari kukutumia wakati wowote kupitia www.tangakumekucha.blogspot.com